Bayan har kisi se hijr o wisaal karty ho,

kiun apna sheher main jeena muhaal karty ho

 

bichar k bhala kabhi milay hain musafir bhi

kiun apnay apko yun hi nidhaal karty ho,

 

suna ha wo bhi tumhain poochta ha aisay hi

tum us k bary main jesay sawal karty ho

 

wo aashnaai usay yad hi na ho shayad,

wo jis k nam pe sab maah o sal karty ho,

 

Boho azeez tha shayad wo is liay Mohsin

bicharny walay ka ab tak malal karty ho.